Брэнд

Vichy брэнд нь 1931 онд Франц улсад үүсгэн байгуулагдсан дерматологийн арьс арчилгааны брэнд юм. Тус брэндийн бүтээгдэхүүнүүдийг боловсруулахад галт уулын гаралтай өвөрмөц Vichy volcanic thermal water ашигладаг бөгөөд энэ нь арьсыг бэхжүүлж, хамгаалах үндсэн бүрэлдэхүүн хэсэг болдог. Энэхүү термал ус нь 15 төрлийн ховор эрдсийг агуулдаг бөгөөд арьсны гадаад орчны сөрөг нөлөөнд тэсвэрлэх чадварыг нэмэгдүүлж, хамгаалах үүрэгтэй. Тиймээс Vichy брэндийн бүтээгдэхүүнүүд нь эмзэг болон асуудалтай арьсанд тохиромжтойд тооцогддог. Бүтээгдэхүүний формулууд нь молекул биохими, биотехнологи болон арьсны бодисын солилцоог зохицуулахтай холбоотой орчин үеийн шинжлэх ухааны судалгаанд тулгуурлан боловсруулагддаг. Эдгээр формулд байгалийн болон синтетик гаралтай өндөр идэвхтэй найрлагуудыг хослуулан ашигладаг бөгөөд арьсны эсийн үйл ажиллагаанд нөлөөлж, арьсны эрүүл байдлыг дэмжих өндөр үр нөлөөтэй.

La Roche-Posay – Дэлхийн дерматологийн итгэлт брэнд. La Roche-Posay нь Францын дерматологийн арьс арчилгааны тэргүүлэгч брэнд бөгөөд эмзэг арьсны хэрэгцээнд тулгуурласан шинжлэх ухааны судалгаа, инновацид суурилдаг. Брэндийн философи нь “үр нөлөө ба аюулгүй байдал” гэсэн хоёр үндсэн зарчимд тулгуурладаг. Бүтээгдэхүүн бүр нь арьсыг тайвшруулж, хамгаалах үйлчилгээтэй La Roche-Posay thermal spring water дээр үндэслэн бүтээгддэг. Энэхүү ус нь селенээр баялаг тул антиоксидант үйлчилгээ үзүүлж, арьсны цочрол, эмзэг байдлыг бууруулахад онцгой ач холбогдолтой. Тус брэндийн үүсэл нь Францын La Roche-Posay хот дахь эмчилгээний рашаан сувиллаас эхтэй. Анх арьсны өвчтэй хүмүүсийг эмчлэх зорилгоор ашиглагдаж байсан энэ рашаан нь хожим дерматологичидтой хамтран судлагдаж, эмчилгээний гоо сайхны бүтээгдэхүүн хөгжүүлэх үндэс суурь болсон.

Өнөөдөр La Roche-Posay нь L’Oréal группын нэг хэсэг бөгөөд дэлхийн 90 гаруй оронд албан ёсоор худалдаалагдаж, 25,000 гаруй дерматологичдын зөвлөмжид багтдаг брэнд болжээ. Энэ нь түүний аюулгүй байдал, үр нөлөөний баталгаа гэж үзэгддэг. Иймээс La Roche-Posay нь эмзэг, асуудалтай арьсны арчилгаанд дэлхийн хэмжээнд итгэл хүлээсэн, эмчилгээний гоо сайхны стандарт брэнд юм.

CeraVe нь арьс арчилгааны шинэ үеийн бүтээгдэхүүнүүдийн төлөөлөл бөгөөд арьсанд зайлшгүй шаардлагатай гурван төрлийн церамид (1, 3 болон 6-II)-ын хослолоор баяжуулсан байдаг. Эдгээр бүтээгдэхүүнүүд нь арьсыг чийгшүүлэх, нөхөн сэргээх, мөн арьсны байгалийн хамгаалах давхаргыг бэхжүүлэхэд чиглэсэн, хүртээмжтэй бөгөөд өндөр үр дүнтэй шийдэл юм.

CeraVe брэнд нь дерматологичидтой хамтран боловсруулагдсан. 2005 онд тус брэндийн мэргэжилтнүүд тэргүүлэх дерматологичидтой хамтран CeraVe арьс арчилгааны цувралыг бий болгосон бөгөөд энэ нь гурван чухал церамид (1, 3, 6-II)-ын нэгдлийг агуулж, арьсны хамгаалах давхаргыг сэргээж, бэхжүүлэх зорилготой. CeraVe нэршил нь өөрөө брэндийн онцлогийг илэрхийлдэг. “Cera” нь арьсанд чухал гурван церамид (1, 3, 6-II)-ын нэгдлийг илэрхийлдэг бол “Ve” нь идэвхт найрлагыг аажмаар ялгаруулж, удаан хугацаанд үйлчлэх боломжийг бүрдүүлдэг патентлагдсан MVE technology технологийг илэрхийлдэг.

Uriage нь 200 жилийн түүхтэй Францын эмчилгээний арьс арчилгааны брэнд юм. Энэхүү брэнд бүтээгдэхүүний үндсэн суурь орц нь Францын Альпын нурууны хадан дундуур урсах эрдсийн агууламжтай арьс, чих, хамар, хоолой ревматологийн болон хавдрын дараа нөхөн сэргээх эмчилгээнд хэрэглэдэг халуун рашаан юм. 

1992 оноос хойш Арьс судлалын лабораториуд нь гэр бүлийн бүх гишүүдийн арьсны асуудалд зориулан Uriage халуун рашааны ашиг тусыг мэргэжлийн арьс судлалын бүтээгдэхүүндээ шингээсэн. 

Cumlaude lab брэнд нь 3 наснаас дээших бүх насны эмэгтэйчүүдийн нандин эрхтний арчилгаанд зориулан бүтээгдсэн.

Франц улсын брэнд болох ISISPHARMA нь арьсны өөрийгөө нөхөн төлжүүлэх чадварын мэргэжилтэн бөгөөд бүх төрлийн арьсны эмгэгийг эмчлэх бүтээгдэхүүнийг хөгжүүлсээр байна. Эдгээр бүтээгдэхүүн нь арьсны асуудлыг эмчлэх, урьдчилан сэргийлэх замаар арьсны байгалийн физиологийн тэнцвэрийг хадгалахад тусалдаг. Эдүгээ ISISPHARMA брэндийг дэлхийн 5 тивийн 80 орны 40,000-с илүүтэй эмнэлэг, эмийн сангууд борлуулан 12,000 дээш мэргэжлийн арьсны эмч нар тус бүтээгдэхүүнийг зөвлөдөг байна.

Францын алдарт эмчилгээний Avene халуун рашааныг үндсэн орц найрлагаа болгосон 300 жилийн түүхт Avene брэнд нь эмзэг, хуурайшилтай, арьсны эмгэгтэй бүхий л төрлийн арьсанд зориулсан баталгаат орц найрлагатай бүтээгдэхүүнийг санал болгодог. Брэндийн гол зорилго нь арьсны эмгэгт ахиц дэвшил гарган өдөр тутмын арьс арчилгаанд хамгийн сайн чанарын орц найрлагыг оруулж өгснөөр амьдралын чанарт өөрчлөлт оруулахад зориулагдсан юм.

“Feel good dermatology” – Хамгийн сайн арьс судлалын үр дүнг мэдрүүлэх гэсэн уриатай, гэр бүлийн гишүүн бүрд зориулсан Францын эмчилгээний гоо сайхны брэнд юм. 67 орны 500 сая хэрэглэгчид Topicrem брэндийг сонгон хэрэглэдэг бөгөөд эмзэг мэдрэмтгий арьсанд зориулсан нүүр болон биеийн арьс арчилгааг клиникийн судалгаанд үндэслэн бүтээдэг

Cetaphil брэнд нь бүх төрлийн мэдрэмтгий арьсанд зориулсан бүтээгдэхүүнийг тусгайлан боловсруулдаг Дэлхийн арьсны эмч нарын зөвлөдөг №1 брэнд юм. 75 жилийн турш арьс арчилгааны шинжлэх ухааныг хөгжүүлэн, мэдрэмтгий арьсанд зориулсан шийдлүүдийг санал болгосоор ирсэн. Бүтээгдэхүүний нөлөөлөл нь арьсанд маш зөөлнөөр үр дүн үзүүлдгээрээ дэлхийн 90 гаруй орны зах зээлд хүлээн зөвшөөрөгдсөн

Weleda брэнд нь 1921 оноос эхлэн байгаль болон хүн хоорондын харилцан уялдаа, бие болон сэтгэл санааны тэнцвэртэй байдлыг хадгалсан арьс арчилгаа, хүүхэд, ээжүүдэд зориулсан бүтээгдэхүүн үйлдвэрлэж буй Германы брэнд юм. Энэхүү брэнд нь Био худалдааны ёс зүйн холбооны хамтран санаачлагч UEBТ байгууллагын гишүүн бөгөөд энэ утгаар бүхий л бүтээгдэхүүний тариалалт, тээвэрлэлт, нийлүүлэлтэд ёс зүйн хатуу зарчим баримталж ажилладаг, Органик болон байгалийн гаралтай бүтээгдэхүүн үйлдвэрлэлийн дээд үнэлэмж болох Natrue гэрчилгээтэй бүтээгдэхүүн юм.

Энэхүү гэрчилгээ нь тухайн бүтээгдэхүүний орц найрлага нь байгалийн гаралтай бөгөөд үүний 95%-с дээш органик гэдгийг гэрчилдэг. Мөн ямар нэгэн генийн өөрчлөлтгүй орц найрлагатай, парафен тос, нефтийн гаралтай орц найрлаг агуулаагүй, силикон тос, болон химийн гаралтай үнэртүүлэгч ашиглаагүй гэдгийг баталдаг. Мөн Weleda брэндийн бүтээгдэхүүн нь үйлдвэрлэх явцад амьтан дээр туршилт хийгдээгүй 100% веган бүтээгдэхүүн юм. Энэ үүднээс Weleda брэндийн бүтээгдэхүүн нь хэрэглэгчийн арьсанд хамгийн аюулгүй, таатай, эмчилгээний зориулалттай найрлага агуулдаг ба үүнээс гадна сэтгэл зүйн тэнцвэртэй тогтвортой байдлыг цогцлооход бүрэн анхаардаг билээ.

Babybio нь хүүхдийн органик, нэмэлт сахаргүй , амин дэм, шим тэжээлээр баялаг эрүүл хүнсний брэнд юм.

Транс тосны агууламжгүй, сахаргүй, органик, глютенгүй, зохицуулах үйлчилгээтэй, эслэгээр баялаг Gullon брэндийн жигнэмгүүд нь эрүүл мэнддээ хайртай хүн бүрийн сонголт юм.

Munchkin брэнд нь 1991 онд АНУ-д үүсгэн байгуулагдсан бөгөөд дэлхийн өнцөг булан бүрд бүтээгдэхүүнээ түгээсээр байна. Хүүхдийн эмч нар болон эцэг эхчүүдтэй хамтран бүтээгдэхүүнээ шинэ, шинэлэг байдлаар үйлдвэрлэж хэрэглэгчдэд хүргэдэг. Монголын бяцхан үрдээ зориулж албан ёсны эрхтэйгээр худалдаалж байна. Munchkin брэндийн гол онцлог нь энгийн загвартай бүтээгдэхүүнээр эцэг эхчүүдийн амьдралыг хялбарчилж, багачуудад баяр хөөр бэлэглэхэд оршино

Nuby нь "Таны хүүхдэд чанартай, аюулгүй, инновацтай бүтээгдэхүүнийг" урианы дор 1970 оноос хойш үйл ажиллагаа явуулж буй АНУ-ын үйлдвэрлэгч компани юм. Чанарын өндөр түвшинд олон улсын чиг хандлагыг эрхэмлэн тогтмол сайжруулан бүтээсэн бүтээгдэхүүнүүдээ сүүлийн 35 жилийн турш дэлхийн 155 орны эцэг, эхчүүд, багачуудад хүргэсээр ирсэн. Нялх хүүхдэд зориулсан хаздаг тоглоомоос эхлээд хүүхдийн усны аяга, хооллох хэрэгсэл гээд хүүхдэд хэрэгцээтэй бүхий л чанартай олон төрлийн бүтээгдэхүүнээс авах боломжтой

Их Британийн Brush-Baby брэндийг бяцхан охиныхоо амны хөндийн арчилгаанд санаа зовниж, тохирох бүтээгдэхүүн олоогүйгээс нэгэн ээж санаачлан үүсгэсэн. Brush-Baby брэндийн бүтээгдэхүүнүүд нь нялх, балчир, бага насны хүүхдийн амны хөндийн хөгжил, шүд угаах ур чадвар, зан төлөвт тохируулан бодож үйлдвэрлэгдсэнээрээ онцлог. Brush-Baby нь бага насны хүүхдийн амны хөндийн эрүүл мэндэд анхаарал хандуулах зорилгоор 2х2 аяныг эхлүүлэн хэрэгжүүлж ажилласаар байгаа билээ.

Герман улсад үйлдвэрлэлээ төвлөрүүлж, Европ, Ази тивүүдэд салбар оффисоо ажиллуулдаг Impact Mints брэнд нь 1951 онд анх үйлдвэрлэлээ эхлүүлж байжээ. Тус брэндийг 2002 оноос "Impact" хэмээн нэрлэсэн ба үйлдвэрлэдэг бүтээгдэхүүнүүд нь олон улсын IFS чанарын шаардлагад нийцсэн гэдгээрээ давуу талтай. Тус брэнд нь өнгөлөг, амттай атлаа энгийнээр загварчлагдсан бие жижиг ч бэлчээр том бүтээгдэхүүнээрээ дамжуулан хэрэглэгчиддээ амьдралаас таашаал авч, жижиг зүйлээс аз жаргал мэдрэхэд нь туслах зорилготой ажээ.

President амны хөндийн арчилгаа, эмчилгээний бүтээгдэхүүн нь гоо сайхны салбарт 50 гаруй жилийн туршлагатай ба тухайн хүний онцлогт тохирох төрөл бүрийн шүдний оо, сойз, утас, ам зайлагч гэсэн нэр төрөлтэй.

Шүдэнд шаардагдах төрөл бүрийн эрсдийг агуулсан ургамлын түүхий эдийг ашиглан гаргаж авсан байгалийн гаралтай уг бүтээгдэхүүн нь шүдийг гэмтээхгүйгээр цайруулж эмчилдгээрээ онцлог давуу талтай.

Францын №1 нүүр будалтын брэнд Bourjois нь 1863 онд анхны бүтээгдэхүүнээ үйлдвэрлэж байсан бөгөөд өдгөө нүүр будалт, үнэртэн болон арьс арчилгааны бүтээгдэхүүн үйлдвэрлэж, 2015 оны байдлаар дэлхийн 80 гаруй оронд 26,000 цэгийн борлуулалт хийгдсэн амжилттэй ажиллаж байна. Орчин үеийн эмэгтэйчүүдийн дотоод гоо сайхны илрэл болсон хэрэглэхэд хялбар, чанартай бүтээгдэхүүнийг тус брэнд үйлдвэрлэдэг.

Silkygirl брэнд нь Азийн хэрэглэгчдийн итгэлийг олсон нэр хүндтэй брэнд бөгөөд чанартай, эрүүл гоо сайхан, арьс арчилгааны бүтээгдэхүүн хэрэглэгчдэд санал болгодог. Тус брэнд нь Малайз улсын гоо сайхан арьс арчилгааны зах зээлд тэргүүлэгч байр суурь эзэлдэг, мөн Ази эмэгтэйчүүдийн арьсны онцлог, бүтцэд тусгайлан зориулсан бүтээгдэхүүн үйлдвэрлэдэг брэнд юм. Silkygirl нь 15 ба түүнээс дээш насны охид бүсгүйчүүдэд зориулсан бүтээгдэхүүн үйлдвэрлэдгээрээ онцлог юм.

АНУ - ын №1 үс арчилгаа, үс уналтын эсрэг эмчилгээний бүтээгдэхүүн үйлдвэрлэгч Bosley брэнд нь салбартаа 45 жилийн туршлагатай бөгөөд өөрсдийн батлагдсан шийдлийн дагуу бүтээгдэхүүнээ үйлдвэрлэж дэлхий даяар үс уналтын асуудлаар сэтгэл зовниж яваа хэрэглэгчдийн асуудлыг шийдэж байна. Монгол хэрэглэгчдэд үс арчилгааны чанартай бүтээгдэхүүнийг хүргэх албан ёсны төлөөлөгчөөр Грийн Гэйт Интернэйшнл ХХК 2022 оноос ажиллаж эхэллээ.

Латви улсын 100% органик гэр ахуйн цэвэрлэгээний бүтээгдэхүүний брэндийг албан ёсны эрхтэйгээр Монголын зах зээлд нийлүүлж эхэллээ. Хүрээлэн буй орчин, амьтад, хүн төрөлхтөнд үзүүлж буй төрөл бүрийн сөрөг нөлөөг өөрсдийн үйл ажиллагаагаар дамжуулан багасгах зорилготой тус брэндийн бүтээгдэхүүн нь эрүүл мэндэд сөрөг нөлөөгүй, генийн өөрчлөлтгүй, амьтан дээр туршигдаагүй, будагч, үнэр оруулах бодис агуулаагүй, арьсанд харшил өгөхгүй бөгөөд байгальд ээлтэй тогтвортой хэрэглээ юм. Purenn- хариуцлагатай, эрүүл хэрэглээг эрхэмлэдэг хэн бүхэнд зориулав.